شنوة هزلي ؟
هزلي هي تطبيقة على التليفون تعاون الناس باش تبعث ولا تهزّ كولي بطريقة سهلة، بين تونس، فرنسا، ولا حتى للبرّة
تعرف على هزلي بالفيديو
فيديو توضيحي بسيط و باللهجة التونسية يفسرلك علاش هزلي موجودة و شنية تنجم تعمل بيها
شكونّا نحنا ؟
نحنا زوز ديڨلوبر (freelancers) توانسة، قرينا إنجنيوريا في تونس، وتوّا نخدمو في فرنسا. حبينا نخدمو مشروع فيه فايدة للناس، وسهّلنا بيه توصيل الكوليات بين الناس بطريقة آمنة وبلاش تعقيد
علاش هزلي ؟
خاطر النقل الكلاسيكي ساعات يكلّف برشة ولا ياخو وقت، و في بلايص ما تلقاش كيفاش تبعث كولي. قلنا علاش ما نستغلوش الناس الي ماشية في طريقتها باش يعاونو غيرهم ؟ و الكل يربح
شنية القيم متاعنا ؟
- الثقة: كل عضو يتعدّى بمرحلة تأكيد المعلومات قبل ما يستعمل التطبيقة
- السهولة: التطبيق مصمّم باش يفهمو أي حد، حتى إلي ما يستعملش التليفون برشة
- العدالة: ما فماش عمولة ولا رسوم خفية، الكل بين الطرفين
وش نخططو للمستقبل ؟
هزلي مازال يتطوّر. نسمعو دايمًا لمقترحات الناس. كان عندك فكرة، مشكلة، ولا تحسين، بعثلنا. التطبيقة هاذي متاعكم
تواصل معانا
تجم تبعثلنا على الإيميل : contact@hezzly.com